নৱবৰ্ষ বিশেষ সংখ্যাঃ
শীতৰ আগমনত যেন কুঁৱলিবোৰ ক্ৰমে নামি আহে ধৰাৰ বুকুলৈ।আঘোণৰ সোণোৱালী পথাৰৰ অপৰূপ সৌন্দৰ্য্যত আমি মুগ্ধ হও।শীতৰ পৰা ৰক্ষা পাবলৈ জুইৰ উমাল সান্নিধ্যত আমি এক আনন্দ লাভ কৰোঁ।শীতত নিয়ৰৰ টোপাল পৰি দুবৰিবোৰ মুকুতাৰ দৰে জিলিকি উঠে।ঠেটুৱৈ ধৰা জাৰত কঁপি কঁপি সকলোৰে অৱস্থা একেবাৰে বেয়া হৈ পৰে।এই শীত অৰ্থাৎ আঘোণৰ সময়ছোৱাত কৃষকৰ সপোনবোৰ সোণোৱালী ধানে পূৰণ কৰে।পথাৰত দাৱনিয়ে বিহু নাম,বিয়ানামেৰে ধান দোৱা দৃশ্য কি যে মোহনীয়।ৰবাব টেঙাৰ জুতিয়ে দাৱনিক পথাৰলৈ বৰকৈ টানে।মাজে মাজে নৰা পেঁপাৰ মাতেও পথাৰত এক অনন্য আমেজ দিয়ে।
কবিৰ কবিতাত প্ৰাণ পাই উঠে আঘোণৰ প্ৰাকৃতিক পৰিবেশ।শীতৰ নানা কথা, লগতে চিৰযৌৱনা ডেকা গাভৰুৰ মতলিয়া হৈ পৰা মনবোৰে যেন কিবা বিচাৰি ফুৰে। এই সময়তে ইংৰাজী পুৰণি বছৰে মেলানি মাগি নতুন বছৰে সকলোকে আদৰণি জনায়।পাহাৰ, নদ-নদীৰ লগতে বিভিন্ন নৈসৰ্গিক পৰিবেশ বোৰ যেন এই সময়ত প্ৰাণচঞ্চল হৈ পৰে।বনভোজৰ লগতে পৰ্যতক সকলে আহি ভিৰ কৰেহি।চুঙা চাউলৰ জুতি আৰু চেৱাত দিয়া বৰা চাউলে জিভাৰ পানী বাৰকৈয়ে পেলায়। শেষত সকলোলৈকে ইংৰাজী নৱবৰ্ষৰ হিয়া ভৰা ওলগ জনোৱাৰ লগতে সকলোৰে কুশল কামনা কৰিলোঁ।
প্ৰকাশ পালে অসমীয়া ফ্লিপিং আলোচনী শব্দ-সাঁকোৰ নৱবৰ্ষ বিশেষ সংখ্যাটি। আলোচনীখন পঢ়িবলৈ তলৰ Download লিংকত ক্লিক কৰক।
আলোচনীখন পঢ়ি কেনে পালে আমাক জনাবলৈ নাপাহৰিব যদি ভাল পালে আনকো পঢ়িবলৈ শ্বেয়াৰ কৰি দিব ।
No comments:
Post a Comment